ShQO-da aqyldy ıt esirtki saqtaǵan adamdy ustady
ASTANA. QazAqparat - Shemonaıha aýdanynda «Dımon» esimdi polıtsııa ıti esirtki zatyn tabýǵa kómek kórsetti, dep habarlaıdy «QazAqparat» HAA tilshisi ShQO ІІD baspasóz qyzmetine silteme jasap.
Quzyrly vedomstvonyń habarlaýynsha, Dımon esimdi ıt 32 jastaǵy turǵynnan esirtki zatyn tabýǵa kómek kórsetken.
«Jedel aldyn alý sharalary barysynda polıtsııa qyzmetkerleri 67 jastaǵy zeınetker aıdap bara jatqan shetel kóligin toqtatqan. Tekserý kezinde polıtsııa ıti avtokólik salonynda otyrǵan jolaýshyǵa úrip, onda kúdikti zattyń bary týraly belgi bergen. Álgi adamdy tekserý barysynda jolaýshydan qaǵazǵa oralǵan kúdikti zat tabyldy. Zertteý qorytyndysy boıynsha ol zattyń jalpy salmaǵy 3 gramm bolatyn marıhýana ekeni anyqtaldy», - dep habarlaıdy ShQO ІІD baspasóz qyzmetinen Ásel Nurǵazına.
Jas jigit aıybyn moıyndap, esirtkini ózi qoldaný úshin saqtap júrgenin aıtqan. Onyń ústinen QR QR 296-baby 2-bóligi (esirtki zatyn ruqsatsyz saqtaý) boıynsha qylmystyq is qozǵaldy. Ustalǵan er adamnyń buryn da osyǵan uqsas qylmystyq iske tartylǵany anyqtalyp otyr.
