ShQO-da 36 saıajaı men úsh kósheni sý basty

ÓSKEMEN. KAZINFORM – Shyǵys Qazaqstan oblysynda aqpan aıy bastalǵaly beri 3 kósheni sý basty.

Aqpan aıynda Óskemen qalasynda bir aýlany, Zaısan qalasynda 3 kósheni sý aldy. Katonqaraǵaı jáne Kúrshim aýdandarynda erigen qar sýy aýylǵa jetkizilmeı, arnasy buryldy. Zardap shekken eshkim joq. Halyqqa materıaldyq shyǵyn keltirilmedi.

«Óńirde sý tasqyny kezeńine daıyndyq jumystary aldyn ala júrgizilgen. Qaýipti ýchaskeler anyqtalyp, ózen arnalaryn, kanaldardy tazartý, bógetterdi kúsheıtý, gıdrotehnıkalyq qurylystardy jóndeý, sý ótkizý qubyrlaryn aýystyrý jumystary atqaryldy. Biraq temperatýranyń kúrt ózgerýine baılanysty sý tasqyny ótken jyly jeltoqsan aıynda Rıdder qalasynda tirkeldi. LK GES-te qar men muzdyń úlken massasy paıda bolyp, artyq sýdy túsirý ádettegi 6-12 kún ornyna, 34 kúnge sozylǵan. Sonyń saldarynan 36 saıajaıdy sý basty. Kelgen shyǵyn LK GES kompanııasy esebinen óteledi», - deıdi ShQO ákiminiń baspasóz hatshysy Eljan Qaıyrhanov.

Onyń aıtýynsha, oblysta sý tasqyny qaýpine qarsy áreket etý boıynsha arnaıy oqý-jattyǵýlar ótkizildi. Sý tasqyny jaǵdaıy únemi baqylaýda.