ShQO-da aqpan aıazdy bolady

ÓSKEMEN. KAZINFORM – Shyǵys Qazaqstan oblysynda aqpan aıynda aıazdy aýa raıy saqtalady. Alaıda keı kúnderi kún jylynyp ketedi. 

«Qazgıdromet» RMK ShQO fılıalynyń málimetinshe, aı sońyna deıin óńirde qys mezgiline tán aýa raıy saqtalady. 

Aqpannyń alǵashqy onkúndiginde oblys aýmaǵynda kún sýyq bolady. Túngi ýaqytta aýa temperatýrasy –20–25 gradýsqa deıin tómendep, taýly aımaqtarda –33 gradýsqa deıin jetedi. Kúndizgi temperatýra –10–20 gradýs shamasynda bolmaq. 

Onkúndiktiń ekinshi jartysynda aıaz sál báseńdep, synap baǵanasy kúndiz –4–9, túnde –14–19 gradýsqa deıin kórsetedi. Alaıda 10 aqpanǵa qaraı aıaz qaıta kúshine minedi. 

Aıdyń ekinshi onkúndiginde aýa temperatýrasy birshama turaqtalady. Túnde –25 pen –14 gradýs aralyǵynda, kúndiz –15 pen –4 gradýs shamasynda bolady. 

Aqpannyń úshinshi onkúndiginde kún jylyna bastaıdy. Túnde –5–10 gradýs, kúndiz keı jerlerde –2-den +3 gradýsqa deıin kóterilýi múmkin. Soltústik aýdandar men taýly óńirlerde túngi temperatýra –15–20 gradýsqa deıin tómen bolmaq. 

Sınoptıkterdiń boljaýynsha, aqpan aıynda qar jaýyp, boran soǵýy múmkin. Bul Shyǵys Qazaqstan úshin qalypty qubylys.

Eske salsaq, osyǵan deıin 19 qańtarda Qazaqstan boıynsha aıaz kúsheıip, boran soǵatyndyǵy habarlanǵan.