ShQO-da ákimdik júrgizýshisi mas kúıde kólik tizgindep, jaryq baǵanasyna soǵyldy

Shyǵys Qazaqstan oblysynda mas kúıde rýlge otyryp, jaryq baǵanasyna soǵylǵan Katonqaraǵaı aýdanyndaǵy ákimdiktiń kólik júrgizýshisi jaýapqa tartyldy, dep habarlaıdy Kazinform.

Katonqaraǵaı aýdandyq sotynyń málimetine súıensek, aýyldyq okrýgterdiń birinde ákimdikte kólik júrgizýshisi bolyp jumys isteıtin er adam 4 jeltoqsan kúni alkogoldi ishimdik iship alyp, rýlge otyrǵan.

Sonyń saldarynan ol rýlge ıe bola almaı, jol jıegindegi jaryq baǵanasyna soǵyldy. Abyroı bolǵanda, eshkim zardap shekken joq.

«Biraq aýyldyq okrýg ákimdigine materıaldyq shyǵyn keltirilgen. Júrgizýshi keltirilgen shyǵyndy óz erkimen tolyqtaı ótedi. Sot ony QR ÁQBtK-niń 608-baby 3-bóligimen kináli dep tanyp, 20 táýlikke ákimshilik qamaqqa alý jáne jeti jylǵa kólik quraldaryn basqarý quqyǵynan aıyrý jazasyn taǵaıyndady», - dep habarlady sottyń baspasóz qyzmetinen.

Úkim áli zańdy kúshine engen joq.