ShQO-da ákimdik qyzmetkeri sharýa qojalyq ıesine jer berýden zańsyz bas tartqan
ÓSKEMEN. KAZINFORM – Shyǵys Qazaqstan oblysy Kúrshim aýdany ákimdiginiń qyzmetkeri sharýa qojalyq ıesine jer berýden zańsyz bas tartqany úshin jaýapqa tartyldy.
Kúrshim aýdanynyń prokýratýrasy tekserý barysynda jergilikti atqarýshy organ tarapynan jer zańnamasy normalarynyń buzylǵandyǵyn anyqtaldy. Ákimdik qyzmetkeri 2023 jyldyń mamyr aıynda sharýa qojalyq ıesine astyq daqyldaryn ósirý úshin jer ýchaskesin berýden bas tartyp, muny tıisti konkýrstyq rásimderden ótý qajettiligine baılanysty dep túsindirgen.
«Alaıda bir jylǵa jýyq ýaqyt ótse de aýdan ákimdigi jer ýchaskelerin berý boıynsha konkýrs ótkizgen joq. Prokýratýranyń usynysymen ShQO Jer resýrstaryn basqarý departamenti aýdandyq jer qatynastary bóliminiń basshysyna qatysty QR ÁQBtK-niń 137-baby 1-bóliginiń 16-tarmaǵymen is qozǵady. Sonyń nátıjesinde sheneýnik ákimshilik jaýapkershilikke tartylyp, 166 myń teńge mólsherinde aıyppul tóleýge mindetteldi», - dep habarlady oblys prokýratýrasynyń baspasóz qyzmeti.
Qazirgi ýaqytta Kúrshim aýdanynyń jer qatynastary bólimi tıisti konkýrs ótkizip, joǵaryda atalǵan jer ýchaskelerine jobalar daıyndaý boıynsha memlekettik satyp alý rásimin júrgizýde.
