ShQO-da ákimdik qyzmetkeri grant almaq bolǵan kásipkerlerge zańsyz talap qoıǵan
Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, bir top kásipker «1414» biryńǵaı baılanys ortalyǵyna habarlasyp, Zaısan aýdandyq jumyspen qamtý jáne áleýmettik baǵdarlamalar bóliminiń qyzmetkerine qatysty shaǵymdanǵan.
Olardyń aıtýynsha, memlekettik qyzmetshi «Bastaý Bıznes» jobasy boıynsha grant alý úshin konkýrsqa qatyspaq bolǵan bıznes ókilderine belgili bir bankten shot ashý qajettigi týraly negizsiz talap qoıǵan.
«Kásipkerlik bastamaǵa járdemdesý jónindegi sharalardy uıymdastyrý jáne qarjylandyrý qaǵıdalarynyń» 53-tarmaǵy 4-taraýyna sáıkes, derektemeleri bar banktik shot grant berý týraly oń sheshimnen keıin 3 jumys kúni ishinde berilýi tıis. ıAǵnı, bólim mamany memlekettik qyzmet kórsetý tártibiniń erejelerin buzyp, jasandy ákimshilik kedergi týdyrǵan», - delingen aqparatta.
Sybaılas jemqorlyqqa qarsy qyzmet Zaısan aýdandyq jumyspen qamtý jáne áleýmettik baǵdarlamalar bólimine normatıvtik qujattar talaptarynyń múltiksiz saqtalýyn qamtamasyz etý jáne kásipkerlerdiń quqyqtarynyń buzylýyna jol bermeý týraly túsindirý jumystaryn júrgizdi.
Sondaı-aq óreskel buzýshylyqqa jol bergen laýazymdy tulǵa tártiptik jaýapkershilikke tartyldy.