ShQO-da aqaý shyqqan magıstraldyq jeli qalpyna keltirildi
ÓSKEMEN. KAZINFORM – Shyǵys Qazaqstan oblysy Shemonaıha aýdanynda aqaý shyqqan magıstraldyq jeli qalpyna keltirildi.
18 jeltoqsanda tańǵy saǵat 05.00-de Ýst-Talovka men Shemonaıha aýyldaryn baılanystyryp turǵan magıstraldyq jeliden aqaý shyǵyp, sý aǵyp ketken bolatyn. Sonyń saldarynan 58 kópqabatty jáne 97 jeke turǵyn úıdiń úsh myńǵa jýyq turǵyny jylýsyz, ystyq sýsyz qaldy. Bir saǵattyń ishinde mamandar aqaý ornyn anyqtap, qalpyna keltirý jumystaryn bastady.
- Qazirgi ýaqytta jumystar aıaqtalyp, magıstraldyq jeli tolyqtaı qalpyna keltirildi. Mamandar júıeni synaqtan ótkizip, jelini sýmen toltyra bastady. Saǵat 21.00-ge qaraı turǵyndardyń úılerine qaıta jylý beriledi dep kútilýde, - dep habarlady ShQO energetıka jáne turǵyn úı-kommýnaldyq sharýashylyq basqarmasynan.
Eske salsaq, osyǵan deıin Pavlodarda jylý berýdi qadaǵalaıtyn 10 mobıldi top qurylǵany habarlanǵan.