ShQO-da adasyp ketken úsh jasar qyzǵa táýlik boıy izdeý júrgizildi
ÓSKEMEN. QazAqparat - Besqaraǵaı aýdandyq ishki ister bóliminie úsh jasar qyzdyń joǵalyp ketkeni týraly habarlama tústi. Belokamenka aýylynyń 37 jastaǵy turǵyny polıtseılerge birneshe saǵattan beri qyzyn taba almaı júrgenin aıtty, dep habarlady ShQO ІІD-ge silteme jasap «QazAqparat» HAA tilshisi.
Qyz kórshi aýlada balalarmen oınap júrgen, ony sońǵy ret tús aýa kórgen.
AІІB bastyǵy Talǵat Temirbekovtiń basshylyǵymen tergeý-jedel toby dereý joǵalǵan qyzdy izdeýge kiristi. Іshki ister bóliminiń jeke quramy - polıtseıler tórt baǵytta izdeý jumystaryn júrgizdi. Túni boıy polıtseıler uıyqtamaı, aýyldyń mańyn torýyldap shyqty. Túnde izdeý sharalary esh nátıje bermedi.
26 maýsym tańerteń ShQO ІІD basshylyǵy oblys ortalyǵynan tikushaq shaqyrtty, ol aýyldy aralap qarap shyqty. TJQ qyzmetkerleri júzý quraldarymen Ertis ózeninen izdedi. Ózen aýyldan 150 shaqyrym jerde ornalasqan. ІІD-niń qosymsha kúshi, ákimdik qyzmetkerleri, aýyl turǵyndary (shamamen 300-deı adam) da tartyldy. Uzyn qamys, shópter, orman izdeý jumystaryn qıyndatty.
Keshke taman aýyldan tórt shaqyrym jerde qamys qopasynyń arasynan qyzdy aman-esen kúıde baqtashy men polıtsııa ýchaskelik ınspektory tapty. Úlkenderdi kórgen búldirshin olardan pechene men sýsyn suraǵan.
Qazir ony medıtsına qyzmetkerleri tekserýde.
