ShQO-da adasyp ketken 89 jastaǵy qarııa tabyldy
ÓSKEMEN. QazAqparat – Shyǵys Qazaqstan oblysy Altaı qalasynda adasyp ketken 89 jastaǵy qarııa tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylaryna habarlasqan áıel adam úıden syrtqa shyqqan atasynyń múlde habar-osharsyz ketkenin jetkizdi.
Onyń aıtýynsha, 89 jastaǵy atasynyń keıde esin joǵaltyp alatyny bar. Óz betterimen qansha izdegenderimen odan esh nátıje shyqpaǵan.
«Patrýldik polıtsııa ınspektorlary Dáýren Zarqymqanov, Madııar Ómirzaqov, Almas Omashov pen Ernat Aıtbaıuly qalanyń jedel-izdestirý sharalaryn júrgizip, qalanyń barlyq kóshelerin sharlap shyqty. Sonyń nátıjesinde, kóshelerdiń birinde jalǵyz júrgen qarııany kórgen. Zeınetker óz sózinde adasyp ketkendigin aıtty. Polıtsııa qyzmetkerleri qart kisine birden úıine jetkizdi», - dep habarlady vedomstvo ókilderi.
Óz kezeginde qarııanyń nemeresi jedel áreket etken polıtseılerge rızashylyǵyn bildirdi.
