ShQO-da adam DNQ bar shujyq joq - sarapshy
ASTANA. QazAqparat - Shyǵys Qazaqstandaǵy saýda sórelerinde reseılik mamandar tapqan adam DNQ bar shujyqtar joq. Osyǵan qaramastan, oblystyq kásiporyndar Qoǵamdyq densaýlyqty qorǵaý qyzmetinen máskeýlik «Mortodel» kompanııasynyń shujyq ónimderin satýdan alyp tastaý týraly habarlamany alýda, dep jazady YK-news.kz.
Eske sala keteıik, RF azyq-túlik, bıotehnologııa jáne azyq-túlik qaýipsizdigin zerttteıtin federaldyq ortalyq qyzmetkerleri «Mortodel» fırmasy óndirgen shujyqtardan adamnyń DNQ izderin tapqan edi. Reseılik mamandar ol týraly qazaqstandyq áriptesterine aıtqan.
«Osy jaǵdaılardan keıin Qoǵamdyq densaýlyqty qorǵaý komıteti «Mortodel» kompanııasy óndirgen shujyq ónimderin óńirdegi saýda aınalymdarynan alyp tastaý týraly aýmaqtyq departamentterge habarlama jiberdi», - dep túsindirdi ShQO Qoǵamdyq densaýlyqty qorǵaý departamentiniń basshysy Ǵazez Súleımenov.
Onyń aıtýyna qaraǵanda, oblystaǵy barlyq kásiporyndar bul jaǵdaımen tanys.
«Biz oblys naryǵyn taldaýdan ótkizdik jáne Shyǵys Qazaqstanda osyndaı markaly taǵamdyq ónim satylmaıtyndyǵyn anyqtadyq. Osyǵan qaramastan, tıisti mekemeler men oryndarǵa resseılik kásiporynnyń ónimderi týraly aqparatty taratqandy jón kórdik»,- deıdi Ǵ.Súleımenov.
