ShQO-da adam densaýlyǵyna qaýipti ónim satqan dúkenderge 2,5 mln teńge aıyppul salyndy

ÓSKEMEN. QazAqparat – Shyǵys Qazaqstan oblysyndaǵy dúkenderde adam densaýlyǵyna qaýipti ónimder satylǵan, dep habarlaıdy QazAqparat tilshisi.

ShQO sanıtarlyq epıdemıologııalyq baqylaý departamentiniń málimetine súıensek, jyl basynan beri óńir aýmaǵynda satylatyn azyq-túlik ónimderiniń qaýipsizdigine monıtorıng júrgizý maqsatynda 1388 taýardan synama alynǵan.

Onyń ishinde 523-i – otandyq, 865-y – ımporttyq ónim.

«Taldaý nátıjesi kórsetkendeı, azyq-túlik ónimderiniń 204 synamasy talapqa sáıkes kelmeıtin bolyp shyqty. Onyń 86-sy – otandyq, 118-i ımporttyq ónim. Sáıkessizdiktiń negizgi úlesi, naqty aıtqanda 72%-y tańbalaý erejeleriniń buzylýyna qatysty bolyp otyr. ıAǵnı, taýar qaptamasynda óndirýshiniń ataýy men ornalasqan jeri, memlekettik tildegi málimetter, shyǵarylǵan kúni, jaramdylyq merzimi men saqtaý sharttarynyń bolmaýy anyqtalǵan» delingen aqparatta.

Synamanyń 20% adam densaýlyǵyna qaýipti bolyp shyqty. Al 8% fızıkalyq-hımııalyq kórsetkishter boıynsha talapqa saı kelmegen.

«Atalǵan faktiler boıynsha dúken men saýda oryndarynyń ıelerine 185 uıǵarym shyǵarylyp, jalpy somasy 2 542 290 teńge aıyppul salyndy. 76,5 keli ónim satylymnan alyndy» delingen habarlamada.