ShQO-da Abaı mereıtoıyna oraı ótkiziletin sharalarǵa 500 volonter tartylmaq

ÓSKEMEN. QazAqparat - Shyǵys Qazaqstan oblysynda uly aqynnyń 175 jyldyǵyna oraı ótkiziletin sharalarǵa 500 volonter tartylady, dep habarlaıdy QazAqparat.

ShQO Іshki saıasat basqarmasynyń basshysy Irına Smıttiń aıtýynsha, qazirde eriktilerdi tartý maqsatynda óńirdiń barlyq joǵarǵy oqý oryndarymen kelissóz júrgizilýde.

«Abaı mereıtoıyna oraı uıymdastyrylatyn sharalarǵa jalpy sany 500 volonter tartý josparlanyp otyr. Sondaı-aq 47 kásibı gıdtiń tizimi jasaqtalǵan. Budan bólek, taǵy da 50 gıd pen aýdarmashyny qosymsha oqytamyz» - deıdi ol.

Abaı aýdanyndaǵy Qaraýyl aýylynda oblystyń ár óńiri jeke kıiz úı qurady. Kóktemde bul kıiz úı qalashyǵynyń aýmaǵynda 2 myńǵa jýyq kóshet otyrǵyzylady. Osy jumystarǵa eriktilerdiń kómegi qajet.

Esterińizge sala ketsek, osyǵan deıin ShQO-da Abaıdyń 175 jyldyǵyna oraı ulttyq at sportynan festıval ótetindigi habarlanǵan bolatyn.