ShQO-da Abaı mereıtoıyna oraı 560 shara ótkizilmek

ÓSKEMEN. QazAqparat - Shyǵys Qazaqstan oblysynda Abaıdyń 175 jyldyǵyna oraı 560 shara ótedi, dep habarlaıdy QazAqparat.

Hakimniń mereıtoıy týǵan ólkesinde jańa formatta atalyp ótedi. Bul jaıly búgingi oblys ákimdiginiń kezekti otyrysynda aımaq basshysy Danıal Ahmetov aıtty.

«Abaıdyń 175 jyldyǵynda óńirimizde 560 is-shara ótkizý josparlanyp otyr. Onyń basym bóligi zertteý baǵytyndaǵy konferentsııalar men mádenı sharalar. 24-i halyqaralyq deńgeıde uıymdastyrylady. Sondaı-aq, Reseı, Túrkııa, Ulybrıtanııa, Polsha, Qytaı elderinde de atalyp ótedi», - deıdi ol.

Aımaq basshysynyń aıtýynsha, Prezıdent tapsyrmasyna sáıkes ysyrapshyldyqqa jol bermeý úshin mereıtoıǵa bólingen qarajat qaıta qaralady.