ShQO-da 96 jastaǵy keıýanany tonamaq bolǵan er adam ustaldy
ÓSKEMEN. KAZINFORM — Shyǵys Qazaqstan oblysynda Shemonaıha qalasynda 96 jastaǵy keıýanany tonamaq bolǵan er adam ustaldy.
ShQO Polıtsııa departamenti baspasóz qyzmetiniń málimetine súıensek, jalǵyz turatyn ájeniń úıine belgisiz adam basa-kóktep kirip, aqsha talap etken. Bul týraly «102» jedel arnasyna qonyraý shalǵan onyń kórshisi habar berdi.
Belgili bolǵandaı, páterlerdiń birinde aıqaı-shý bolyp jatqanyn estigen azamat bul týraly polıtsııaǵa habarlaǵan. Tártip saqshylary oqıǵa ornyna dereý kelip jetken.
— Tekserý barysynda er adamnyń tereze arqyly qart áıeldiń úıine kirip, kúsh kórsetý arqyly aqsha talap etkeni anyqtaldy. Odan keıin úı ishinen baǵaly zattardy izdeı bastaǵan sátte kórshilerdiń daýysyn estip, sol jerden qashyp ketken. Polıtseıler júrgizgen jedel sharalardyń nátıjesinde Shemonaıha aýdanynyń 43 jastaǵy ustaldy. Ol buryn sotty bolǵan, — delingen aqparatta.
Qazirgi ýaqytta tergeý amaldary júrgizilip jatyr. Sonyń qorytyndysy boıynsha protsessýaldyq sheshim qabyldanady.
Eske salsaq, osyǵan deıin Abaı oblysynda polıtsııa qyzmetkerin qorlaǵan adam jaýapqa tartylǵany habarlanǵan.