ShQO-da 9 jasar bala tirideı janyp kete jazdady
ÓSKEMEN. QazAqparat – Shyǵys Qazaqstan oblysynyń Abaı aýdanynda sirińkemen oınap otyrǵan balalar órtenip kete jazdady, dep habarlaıdy QazAqparat.
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 4 naýryz kúni Qundyzdy aýylynda bolǵan. Balalar úıde qaraýsyz qaldyrylǵan. 3 jasar bala shyrpymen oınap otyryp, onyń jalyny 9 jastaǵy ápkesiniń jempirine tıgen. 2011 jyly týǵan qyz Abaı aýdanynyń órt sóndirý qyzmetine qońyraý shalyp, kómek suraǵan.
«Aýylǵa eń jaqyn órt sóndirý beketi 70 shaqyrymdaı jerde. Ár mınýttyń mańyzdylyǵyn eskergen órt sóndirýshiler aýyl ákimdigine qońyraý shalyp, atalǵan mekenjaıǵa barýdy surady. Olar lezde polıtsııa qyzmetkerlerimen birge sol úıge jetken. 9 jasar Toǵjan qyzyl jalyn sharpyǵan kúrtesin shelektegi sýmen sóndiripti. Arqasyn kúıik shalǵan qyz Semeı qalasyndaǵy aýrýhanaǵa jetkizildi», - dep habarlady vedomstvo ókilderi.
