ShQO-da 9 adam otyrǵan shaǵyn avtobýs boranda jolda qalǵan
ÓSKEMEN. KAZINFORM — Shyǵys Qazaqstan oblysynda polıtseıler 9 jolaýshyǵa kómekke keldi.
Óskemen-Semeı tasjolynyń 64-shaqyrymynda kele jatqan reıstik «Gazel» markaly shaǵyn avtobýs jyraǵa shyǵyp ketken.
— Aldyn ala málimet boıynsha júrgizýshi qaýipsiz jyldamdyqty tańdamaǵan jáne aýa raıy jaǵdaılaryn eskermegen. Avtobýs ishinde 9 jolaýshy bolǵan. Abyroı bolǵanda, zardap shekken eshkim joq, — dep habarlady ShQO Polıtsııa departamentinen.
Oqıǵa ornyna jedel jetken polıtsııa qyzmetkerleri jol qaýipsizdigin qamtamasyz etip, shaǵyn avtobýsty jolǵa shyǵarýǵa kómek kórsetti. Alaıda tehnıkalyq aqaýlarǵa baılanysty shaǵyn avtobýs qozǵalysyn jalǵastyra almady.
Qazirgi ýaqytta tártip saqshylary jolaýshylarmen birge oqıǵa ornynda qalyp, olardyń saparyn jalǵastyrýy úshin jaǵdaı jasalyp jatyr.
Eske salsaq, osyǵan deıin Abaı oblysyndaǵy taǵy bir jolda kólik qozǵalysyna tyıym salynǵany habarlanǵan.