ShQO-da 9 adam brýtsellezben aýyrdy
ÓSKEMEN. QazAqparat – Shyǵys Qazaqstan oblysynda 10-ǵa jýyq adam brýtsellezben aýyrdy, dep habarlaıdy QazAqparat tilshisi.
Óńirde brýtsellez tek maldan emes, adamnan da anyqtalyp jatyr.
Bul týraly ShQO sanıtarlyq-epıdemıologııalyq baqylaý departamentiniń basshysy Qanat Turdıev aıtyp berdi.
«Jyl basynan beri Shyǵys Qazaqstanda 9 adam brýtsellezben aýyrdy. Jalpy óńir boıynsha derttiń kúrt órshýi baıqalyp otyrǵan joq. Qala turǵyndary úshin aýrý ruqsat etilmegen jerlerden satyp alynǵan ónimderden juqsa, aýyl halqy úshin aýrý maldan taraıdy», - deıdi ol.
Osy rette Qanat Turdıev óńir jurtshylyǵyna tek sapaly ónimderdi tutynýǵa, maldan dertti ýaqtyly anyqtaý maqsatynda josparly túrde dıagnostıkalyq zertteý júrgizýge shaqyrdy.
Brýtsellez adamnan adamǵa juqpaıdy, tek maldan juǵady.
