ShQO-da 9,5 myńǵa jýyq bala kelesi jyly birinshi synypqa barady

ÓSKEMEN. QazAqparat – Shyǵys Qazaqstan oblysynda kelesi oqý jylynda birinshi synypqa 9,5 myńǵa jýyq bala qabyldanady dep boljanýda, dep habarlaıdy QazAqparat tilshisi.

ShQO bilim basqarmasy baspasóz qyzmetiniń málimetine súıensek, búgingi tańda óńir boıynsha 6 myń ata-ana balasyn kelesi oqý jylynda birinshi synypqa qabyldaýǵa ótinish bildirgen.

Boljam boıynsha Shyǵys Qazaqstan oblysynda barlyǵy 9,5 myńǵa jýyq bala mektep tabaldyryǵyn alǵash ret attaıdy dep kútilýde.

«Ata-analarǵa qujattardy ótkizý úshin mektepke barýdyń qajeti joq. Ótinishter Egov elektrondy úkimet portalynda qabyldanady. Ata-analarǵa oqý ornyn tańdar kezde tezirek sheshim qabyldaýǵa keńes beremiz. Sebebi qabyldaý rásimi 1 tamyzǵa deıin ǵana júrgiziledi. ıAǵnı, ata-analarǵa tańdaý jasaýǵa eki aı ýaqyt bar. Sodan keıin oqýlyqtar sanyn qalyptastyrý jáne muǵalimderge saǵattyq júktemeni bólý jumystary bastalady», - deıdi basqarma basshysynyń orynbasary Dınara Shaýhına.

Onyń aıtýynsha, oblys mektepterine jańa oqýlyqtar satyp alýǵa 450 mln teńge qarastyrylǵan.