ShQO-da 88 myńǵa jýyq bala vaktsınanyń eki komponentin saldyrdy

ÓSKEMEN. QazAqparat – Shyǵys Qazaqstan oblysynda 88 myńǵa jýyq bala Pfizer vaktsınasynyń eki komponentin saldyrdy, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńir boıynsha amerıkalyq Pfizer vaktsınasynyń birinshi komponentin 105 182 adam aldy.

«Al ekinshi komponentin 97 247 turǵyn saldyrǵan. Onyń ishinde 87 663 bala, 2 164 júkti jáne 7 418 bala emizetin áıel bar. Vaktsınalanǵan adamdarda jaǵymsyz reaktsııalar tirkelmegen», - delingen aqparatta.

Epıdemıologtar men ımmýnologtardyń pikirinshe, revaktsınatsııa ekinshi ekpeni alǵan kúnnen bastap 6 aıdan keıin «omıkron» shtamynan qorǵanýǵa kómektesedi.

Sońǵy málimetterge sáıkes, oblysta 440 myńǵa jýyq azamat koronavırýsqa qarsy revaktsınatsııadan ótti. Immýndyq júıeni nyǵaıtatyn revaktsınatsııa QazVac, VeroCell, Spýtnık Laıt ekpelerimen júrgizilýde.