ShQO-da 8653 adamǵa koronavırýsqa qarsy vaktsına salyndy
ShQO densaýlyq saqtaý basqarmasynyń málimetine súıensek, COVID-19 vaktsınasynyń birinshi komponentin 14 memlekettik qyzmetshi, sozylmaly aýrýy bar 157 adam, 403 muǵalim, quqyq qorǵaý organdarynyń 410 qyzmetkeri, 107 ýchaskelik polıtseı, medıtsınalyq, áleýmettik jáne jabyq balalar mekemeleriniń 88 qyzmetkeri alǵan.
Al revaktsınatsııadan 7282 medıtsına qyzmetkeri ótti. Sondaı-aq 3 stýdent pen 189 adamǵa vaktsına egilgen.
Alǵashqylardyń biri bolyp vaktsına alǵandardyń qatarynda №1 Samar orta mektebindegi aǵylshyn tili pániniń muǵalimi Anar Ahmadıeva bar.
«Vaktsına saldyrýǵa óz erkimmen kelistim. Óıtkeni jumysta kún saıyn kóp adammen baılanysta bolamyz. Koronavırýspen aýyrmaǵandyqtan, ózimdi, oqýshylarymdy jáne týystarymdy qaýipti dertten qorǵaý úshin vaktsına alýdy ózime mindet sanadym. WhatsApp-taǵy túrli ósek-aıańǵa qulaq aspaı, reseılik áriptesterdiń sholýlaryn, vaktsınanyń quramyn, vaktsınatsııa erejelerin muqııat zerttedim. Vaktsına egilgennen keıin dene qyzýym 39,2-ge deıin kóterildi. Dárigerlerdiń keńesimen paratsetamol iship edim, tańǵa jýyq temperatýram tústi», - deıdi ol.
Anar Ahmadıevanyń aıtýynsha, vaktsınatsııa arqasynda karantın shekteýleri jeńildetilip, tezirek qalypty ómirge orala alamyz.