ShQO-da 83 jastaǵy keıýananyń jarty mln teńgesi qoldy boldy
ÓSKEMEN. QazAqparat – Shyǵys Qazaqstan oblysy Rıdder qalasynda zeınetkerdiń jarty mıllıon teńgesin urlap ketken er adam ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, naýryz aıynyń basynda Rıdder qalalyq polıtsııa bólimine 83 jastaǵy qala turǵyny habarlasqan. Onyń aıtýynsha, 25-28 aqpan aralyǵynda beıtanys bireý onyń páterinen jarty mıllıon teńgesin urlap ketken.
«Jedel izdestirý sharalaryn júrgizý kezinde krımınaldyq polıtsııa qyzmetkerleri 32 jastaǵy er adamdy anyqtap, polıtsııa bólimine jetkizdi. Óz kinásin moıyndaǵan kúdikti urlanǵan aqshany qaıtaryp berdi», - dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha QR QK-niń 188-baby 1-bóligine sáıkes sotqa deıingi tergeý amaldary júrgizilýde.
