ShQO-da 82 jastaǵy keıýana ózin emshimin dep tanystyrǵan alaıaqtyń tuzaǵyna túsken
ÓSKEMEN. QazAqparat – Óskemen qalasynda jalǵan emshige aldanǵan zeınetker 2,5 mln teńgesinen aıyryldy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetinshe, saıabaqta kele jatqan qart kisiniń qasyna orta jastaǵy áıel kelip, ony áńgimege tartady.
Ol zeınetkerge qarǵys tıgenin aıtyp, «Barlyq pále-jala aqsha men altyn buıymdarda tur. Tez arada tazalaý rásimin júrgizý kerek» deıdi.
Buǵan sengen qart ýaǵdalasqandaı kelesi kúni 2 100 000 teńge kólemindegi aqsha men júzik, syrǵa syndy birneshe altyn buıymdy ákelip, alaıaqtyń qolyna ustatqan.
Jalǵan emshi onyń bárin gazetke orap, belgili bir rásim jasaǵandaı keıip tanytady da «endi bul gazetti 3 kún boıy ashpańyz» deıdi.
«Osylaısha 2,5 mln teńge mólsherinde shyǵynǵa batqan jábirlenýshi polıtsııaǵa qońyraý shaldy. Jedel izdestirý sharalaryn júrgizgen tártip saqshylary 1995 jyly týǵan kúdiktini jáne onyń Pavlodar qalasyndaǵy 1986 jylǵy sybaılasyn qolǵa túsirdi. Qazirgi ýaqytta Qazaqstan Respýblıkasy Qylmystyq kodeksiniń 190-baby boıynsha sotqa deıingi tergeý amaldary júrgizilýde», - dep habarlady vedomstvo ókilderi.
