ShQO-da 82 myńǵa jýyq adam tumaýǵa qarsy vaktsınalandy

ÓSKEMEN. QazAqparat – Shyǵys Qazaqstan oblysynda 1 qazannan bastap 82 myńǵa jýyq adam tumaýǵa qarsy ekpe saldyrdy, dep habarlaıdy QazAqparat tilshisi.

ShQO sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, kúz bastalǵaly óńir boıynsha 20 624 adam jiti respıratorly vırýsty ınfektsııamen aýyrǵan. Onyń ishinde 56,2% - 14 jasqa deıingi balalar.

«Sondaı-aq 50-den astam adam tumaýǵa shaldyqty. Tumaýdan ólim-jitim tirkelmedi, aýrýhanaǵa jatqyzylǵandar joq», - dep habarlady vedomstvo ókilderi.

1 qazannan bastap osy kúnge deıin Shyǵys Qazaqstanda 81 939 adam tumaýǵa qarsy ekpe aldy. Onyń ishinde jergilikti bıýdjet esebinen 75 myńǵa jýyq adam, jumys berýshiler esebinen – 6 044, aqyly túrde 895 adam ekpe saldyrdy.