ShQO-da 800-ge jýyq balany kene shaqty

ÓSKEMEN. KAZINFORM – Shyǵys Qazaqstan oblysynda keneden zardap shekkender sany kún saıyn kóbeıip barady.

Óńirde kene entsefalıtiniń zerthanalyq rastalǵan eki jaǵdaıy tirkeldi. Olar – Rıdder qalasy men Katonqaraǵaı aýdanynyń turǵyndary. Bul týraly ShQO Sanıtarlyq-epıdemıologııalyq baqylaý departamentinen málim etti.

Budan bólek, Rıdder qalasy men Altaı aýdanynda eki adam Laım borrelıozyna shaldyqty. Bul da kene arqyly taralatyn bakterııalyq ınfektsııa.

– Árbir jaǵdaı zerthanalyq rastaýdy talap etedi. Kene entsefalıtiniń eki jaǵdaıynda da dıagnoz serologııalyq zertteýler negizinde qoıyldy. Bul halyq úshin ınfektsııa juqtyrý qaýpiniń áli de saqtalyp otyrǵanyn kórsetedi, - delingen aqparatta.

Oblysta sáýir aıynan beri 3 myńǵa jýyq adam, onyń ishinde 765 bala keneden zardap shegip, medıtsınalyq kómekke júgingen. Olardyń 92%-y ınfektsııalardyń aldyn alý úshin ımmýnoglobýlın aldy. Qalǵandary ártúrli sebepterge baılanysty vaktsına saldyrǵan joq. Atap aıtqanda, medıtsınalyq kómekke kesh júginý, óz erkimen bas tartý, qarsy kórsetilimder nemese keneniń endemııalyq aımaqtan tys jerde shaǵýy.

Keneden zardap shekkender sany jaǵynan Óskemen aldyńǵy orynda - 1551 jaǵdaı. Al Rıdder ekinshi (298), Altaı aýdany úshinshi (247) orynda tur.

Eske salsaq, osyǵan deıin Qaraǵandy oblysynda úıirli shegirtkege qarsy fıtosanıtarııalyq sharalar júrgizilip jatqany habarlanǵan.