ShQO-da 80-ge jýyq ata-ana jańa týǵan sábıine ekpe saldyrýdan bas tartqan

Oblys boıynsha byltyr 7 191 náreste BTsJ vaktsınasyn saldyrdy. Bul týraly óńirlik kommýnıkatsııalar qyzmetinde ótken brıfıngide ShQO sanıtarlyq-epıdemıologııalyq baqylaý departamenti basshysynyń orynbasary Sáýle Slıamǵazına málim etti.

- Balalar arasynda týberkýlezdiń aldyn alýdaǵy eń tıimdi sharalardyń biri - jańa týǵan nárestelerdi perzenthanada ımmýndaý. 2025 jyly oblysta 7 362 sábı dúnıege kelgen. Olardyń 97,7%-y BTsJ ekpesin aldy. Bul - ótken jylmen salystyrǵanda turaqty kórsetkish, - dedi ol.

Degenmen 171 náreste perzenthanada BTsJ vaktsınasyn almaǵan. Sonyń ishinde 68 balaǵa ýaqytsha medıtsınalyq qarsy kórsetilimder sebep bolsa, 78 jaǵdaıda ata-analar ekpeden óz erkimen bas tartqan. Al 25 sábı ózge sebepke baılanysty vaktsına almady.

Dárigerlerdiń aıtýynsha, BTsJ vaktsınasy balalardy týberkýlezdiń aýyr jáne asqynǵan túrlerinen qorǵaıdy. Statıstıka boıynsha, ekpe alǵan balalar arasynda aýrý áldeqaıda sırek tirkeledi jáne asqyný qaýpi tómen bolady.

Eske salsaq, osyǵan deıin Astanada qyzylshaǵa qarsy vaktsına almaǵan balalar josparly túrde aýrýhanaǵa jatqyzylmaıtyndyǵy habarlanǵan.