ShQO-da 8 naýryz merekesine oraı 16 myńǵa jýyq áıel bir rettik tólem alady

ÓSKEMEN. KAZINFORM – Shyǵys Qazaqstan oblysynda 8 naýryz – Halyqaralyq áıelder kúnine oraı birneshe sanattaǵy áıelderge 15 myń teńge kóleminde tólem beriledi.

Bul týraly oblys ákimdiginen málim etti.

- Halyqty áleýmettik qorǵaý júıesinde ana men balany qoldaý tetikteri kózdelgen. Osy rette, 8 naýryz - Halyqaralyq áıelder kúni qarsańynda oblysta «Altyn alqa», «Kúmis alqa» alqalarymen nagradtalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen nagradtalǵan áıelderge, 4 jáne odan da kóp kámeletke tolmaǵan balasy bar analarǵa 15 000 teńge mólsherinde birjolǵy tólem beriledi, - delingen aqparatta.

Búginde Shyǵys Qazaqstanda 12 400-den astam kópbalaly áıel turady. Onyń ishinde: 4 jáne odan da kóp kámeletke tolmaǵan balasy bar 8829 áıel bar. Sondaı-aq «Altyn alqa», «Kúmis alqa» alqalarymen marapattalǵan 3588 kópbalaly ana tirkelgen.

Eske salsaq, buǵan deıin Astanada 8 naýryz merekesine oraı 36 myń áıel adamǵa birjolǵy áleýmettik tólem beriletindigi habarlanǵan.