ShQO-da 8 kún buryn joǵalǵan er adamnyń denesi ózennen tabyldy
ÓSKEMEN. QazAqparat – Shyǵys Qazaqstan oblysy Shemonaıha aýdanynda iz-tússiz joǵalyp ketken er adamnyń denesi 8 kúnnen keıin ózennen tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 33 jastaǵy er adam 10 qyrkúıek kúni Shemonaıha aýdany Ýst-Talovka aýylynda dosynyń úıinen belgisiz baǵytta shyǵyp ketip, sol kúıi qaıtyp oralmaǵan.
«Týystary habar bergen soń tártip saqshylary jedel-izdestirý sharalaryn qolǵa aldy. Іzdestirý jumystaryna áskerıler men eriktiler de tartylǵan. Alaıda ony birden taby múmkin bolmady», - delingen aqparatta.
18 qyrkúıekte jergilikti aýyl turǵyndarynyń biri Talovka ózeninen joǵalǵan adamnyń máıitin tapty. Qazirgi ýaqytta onyń naqty neden kóz jumǵany belgisiz.
Birqatar saraptama taǵaıyndaldy. Ólim sebebi sonyń nátıjelerinen keıin anyqtalmaq.
Eske salsaq, osyǵan deıin Óskemende eden jýýshy áıel mektepte qaıtys bolǵanyn habarlaǵan edik.
