ShQO-da 8 dene shynyqtyrý-saýyqtyrý kesheni salynyp jatyr
ÓSKEMEN. QazAqparat – Shyǵys Qazaqstan oblysynda 8 dene shynyqtyrý-saýyqtyrý kesheniniń qurylysy júrgizilip jatyr, dep habarlaıdy QazAqparat tilshisi.
ShQO Aqparat ortalyǵynyń málimetine súıensek, búginde Óskemen qalasynyń jumyspen qamtý jáne áleýmettik baǵdarlamalar bólimi ornalasatyn jańa ǵımarattaǵy jóndeý jumysy aıaqtalýǵa jaqyn. Eski ǵımarat kelýshiler úshin tar jáne yńǵaısyz edi. Jańa ǵımarattyń birinshi qabatynda dúıim jurtty qabyldaýǵa arnalǵan keń zaldar bolady.
«Erekshe qajettilikteri bar jandarǵa, analar men balalarǵa arnaıy bólmeler qarastyrylǵan. Meniń tapsyrmam boıynsha halyqpen jumys isteý úshin akt zaly berildi. Ol ekinshi qabatqa ornalastyrylady. Eń aldymen ortalyqtyń basty mindeti - kelýshilerge jedel qyzmet kórsetý», - dedi oblys ákimi Danıal Ahmetov.
Sonymen qatar Stahanov kóshesindegi sport ortalyǵynyń jóndeý jumystary aıaqtalyp keledi. Jalpy óńirde 8 dene shynyqtyrý-saýyqtyrý kesheniniń qurylysy júrgizilip jatyr.
