ShQO-da 75 lýdoman qumar oıyn oınaýǵa óz-ózine shekteý qoıdy

ÓSKEMEN. KAZINFORM – Shyǵys Qazaqstan oblysynda 75 lýdoman onlaın qumar oıyn oınaýǵa óz erkimen shekteý qoıdy.

Óńir boıynsha 98 balaǵa alıment boıynsha 84 mln teńge qaryzy bar 75 er adam qumar oıyndar oınaǵan. Sońǵy 3 jylda olar býkmekerlik keńselerde 100 mln teńge qurtqan.

Máselen, Óskemende turatyn azamattyń 1,5 mln teńge alıment qaryzy bar. Soǵan qaramastan onlaın býkmekerlik keńsede 7 mln teńgege bás tigip, utylyp qalǵan.

«Prokýratýra qyzmetkerleri boryshkerlerge túsindirý jumystaryn júrgizgen soń, 75 lýdoman E-Gov mobıldi qosymshasy arqyly ózine qumar oıyn oınaýǵa tyıym saldy. Sonymen qatar alıment tólemeı júrgenderdiń qumar oıyn oınaýynyń jolyn kesýdi odan ári jalǵastyrý úshin QR týrızm jáne sport mınıstrliginiń týrızm ındýstrııasy komıtetine oblys aýmaǵynda jumys isteıtin býkmekerlik keńselerdi anyqtaý týraly hat joldandy. Qumar oıynǵa bás tigetin adamdar týraly derekter de alıment tóleýden jaltarýdyń dáleli bolady», - dep habarlady ShQO prokýratýrasynyń baspasóz qyzmetinen.