ShQO-da 71 eldi mekende sý tasqyny qaýpi bar

ÓSKEMEN. KAZINFORM — Shyǵys Qazaqstan oblysynda muz keptelisine qarsy jarylys jumystary júrgizildi. 

ShQO-da ózende jarylys jasylyp, 12 myń sharshy metr muz usaqtaldy

ShQO tótenshe jaǵdaılar departamenti baspasóz qyzmetiniń málimetine súıensek, jarylys jumystary Shemonaıha aýdanynyń Ýbınka aýyly mańynda júrgizildi.

— Profılaktıkalyq jarylys Úbe ózeninde jasaldy. Sonyń nátıjesinde jalpy kólemi 12 000 sharshy metr muz usaqtaldy. Bul muzdyń keptelýiniń aldyn alýǵa jáne ózenniń sý ótkizý qabiletin jaqsartýǵa múmkindik berdi. Shyǵys Qazaqstandaǵy ózenderge táýlik boıǵy monıtorıng júrgizilip keledi, — dep habarlady vedomstvo ókilderi.

Jalpy oblysta 8,5 myń adam turatyn 71 eldi mekende sý tasqyny qaýpi bar.

Jol kartalary, ınjenerlik jumystar jospary jáne basqa da baǵdarlamalar sheńberinde júrgizilgen sý tasqynyna qarsy is-sharalardyń nátıjesinde 16 eldi mekende sý basý qaýpi joıyldy, 50 aýylda azaıtyldy, 5 eldi mekende áli saqtalyp otyr.

Eske salsaq, osyǵan deıin ShQO-daǵy 20 ýchaskede muz keptelýi múmkindigi jaıly jazǵanbyz.