ShQO-da 70 adam zańsyz ań aýlaǵa shyqqan
ÓSKEMEN. QazAqparat – Shyǵys Qazaqstan oblysynda «Brakoner» jedel aldyn alý sharasy barysynda 120-dan astam quqyq buzýshylyq anyqtalǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 12 qazannan bastap óńirde «Brakoner» jedel aldyn alý sharasy bastalǵan.
«Búginge deıin tártip saqshylary 120 quqyq buzýshylyqty anyqtady. Onyń ishinde 69-y ań aýlaý, 34-i balyq aýlaý erejelerin buzýǵa qatysty bolsa, 3 adam aǵashtar men butalardy zańsyz keskeni úshin ákimshilik jaýapkershilikke tartyldyn», - deıdi ShQO PD bastyǵy Saǵat Mádıev.
Jyl basynan beri Shyǵys Qazaqstan oblysynyń aýmaǵynda tabıǵat qorǵaý polıtseıleri 1200-den astam reıd ótkizdi. Sonyń nátıjesinde 1450-ge jýyq zańbuzýshylyq áshkerelendi.
Aıta keteıik, «Brakoner» jedel aldyn alý sharasy 11 qarashaǵa deıin jalǵaspaq.
