ShQO-da 7 jasar bala sýǵa batty
ÓSKEMEN. QazAqparat – Shyǵys Qazaqstan oblysy Altaı aýdanynda eresekterdiń qaraýynsyz qalǵan 7 jasar bala sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qaıǵyly oqıǵa 20 tamyz kúni Altaıka kentindegi Buqtyrma sý qoımasynda bolǵan.
«Jabdyqtalmaǵan sý aıdynynda shomylyp júrgen 7 jasar bala eresekterdiń qaraýynsyz qalyp, sýǵa batyp ketti. Qutqarýshylar onyń denesin 21 tamyzda 2,5-3 metr tereńdikten tapty», - dep habarlady vedomstvo ókilderi.
Osy rette, TJD mamandary óńir jurtshylyǵyna sý aıdyndarynda qaýipsizdik erejelerin qatań saqtap, balalardy qaraýsyz qaldyrmaý qajettigin eskertedi.
