ShQO-da 7 myńnan astam adamǵa koronavırýsqa qarsy vaktsına salyndy
ÓSKEMEN. QazAqparat – Shyǵys Qazaqstan oblysynda 7 myńnan astam adamǵa koronavırýsqa qarsy vaktsına egildi, dep habarlaıdy QazAqparat tilshisi.
Qazaqstanda koronavırýsqa qarsy vaktsınatsııa bastalǵaly eki aı ótti. Birinshi kezekte vaktsına medıtsına qyzmetkerlerine salynǵan bolatyn.
ShQO densaýlyq saqtaý basqarmasynyń málimetine súıensek, osy ýaqytqa deıin óńirde 7274 aq halatty koronavırýsqa qarsy vaktsına alǵan.
«COVID-19 vaktsınasynyń birinshi komponentin 9 naýryzda aldym. Al ekinshi komponenti 30 naýryzda egiledi. Áýel basta dene qyzýym kóterilgenimen qazir ózimdi jaqsy sezinemin. Shilde aıynda koronavırýs juqtyryp, jazylyp shyqqan edim. Osydan keıin aǵzamda antıdeneler paıda boldy. Dese de halyqta ımmýnıtet qalyptasqanǵa deıin karantındik shekteýlerdi buzbaı, talapqa baǵynyp ómir súrgenimiz durys. Túgel otbasym koronavırýsqa qarsy vaktsına alǵanyn qalaımyn», - dedi Shyǵys Qazaqstan oblystyq JITS-pen kúres jáne onyń aldyn alý ortalyǵy medıtsınalyq-profılaktıkalyq kómek bóliminiń meńgerýshisi Natalıa Oralbaeva.
29 naýryzdaǵy vaktsınatsııanyń ekinshi kezeńinde quqyq qorǵaý organdarynyń ókilderi men oqytýshylar qamtylmaq.
Shyǵys Qazaqstan vaktsınamen tolyq qamtamasyz etilgen. Qazir aımaqta 10 myńnan astam vaktsına bar.
Sáýirge deıin taǵy 11 200 doza satyp alý josparlanyp otyr.
