ShQO-da 7 myń gektar aýmaqta qamys órtendi
ÓSKEMEN. QazAqparat – Shyǵys Qazaqstan oblysy Úrjar aýdanynda qamysty sharpyǵan qyzyl jalynnyń aýmaǵy 7 myń gektardy quraǵan, dep habarlaıdy QazAqparat tilshisi.
ShQO TJD baspasóz qyzmetiniń málimetinshe, 6 tamyzda saǵat 17:00 shamasynda Úrjar aýdany Saǵat aýylynan 18 shaqyrym jerde qamys órtengen. Qutqarýshylar oqıǵa ornyna kelip, barlaý júrgizdi.
«Sasyqkól jaǵasyndaǵy batpaqty jerde qamys jandy. Órt oshaǵyna jetý qıynǵa soqqan. Órt sóndirýshiler, jergilikti atqarýshy organ ókilderi, «Alakól memlekettik tabıǵı qory» RMM qyzmetkerleri tilsiz jaýdy aýyzdyqtaýǵa kiristi. Sonymen qatar órt aýqymyn anyqtaý jáne sóndirýdiń durys baǵytyn tańdaý úshin «AN-2» ushaǵymen monıtorıng júrgizilgen», - delingen aqparatta.
Jerdiń batpaqty bolýynan jáne qatty jeldiń saldarynan otty óshirý qıyndaı tústi. Alty kún boıy olar tynbaı órtpen kúresken. Nátıjesinde, 12 tamyzda saǵat 10.00-de jalpy aýdany 7000 gektardy quraǵan qyzyl jalyn tolyqtaı sóndirildi.
