ShQO-da 7 adamdy kene shaqty

ÓSKEMEN. KAZINFORM - Shyǵys Qazaqstan oblysynda bıyl keneler erte shyqty. Naýryz aıynyń aıaǵynan beri 7 adam keneden zardap shekken.

ШҚО-да 7 адамды кене шақты
Фото: pixabay

Barlyq oqıǵa Óskemen qalasynyń mańynda bolǵan.

ShQO Sanıtarlyq-epıdemıologııalyq baqylaý departamentiniń málimetinshe, qardyń tez erýi jándikterdiń saıajaılar men qala mańyndaǵy aýdandarda erte shyǵýyna áser etti.

Oblystaǵy Ulan, Samar, Kúrshim, Katonqaraǵaı, Shemonaıha aýdandaryndaǵy jáne Rıdder, Óskemen qalalaryndaǵy endemııalyq aımaqtarda profılaktıkalyq óńdeý jumystary bastalyp ketken.

— Turǵyndarǵa tabıǵat aıasyna shyqqanda qorǵanys kıimderin kıip, repellentterdi paıdalanýdy usynamyz. Eger sizdi kene shaǵyp alsa, birden dárigerge baryńyz. Zardap shekken jeti adamnyń biri kómekke kesh júginip, ımmýnoglobýlın almaǵan, - deıdi departamenttiń qoǵammen baılanys jónindegi bas mamany Gúlmıra Qaıratova.

Aıta keteıik, keneler entsefalıt vırýsyn ǵana emes, basqa da otyzǵa jýyq qaýipti ınfektsııalardy da tasymaldaýy múmkin.

Eske salsaq, buǵan deıin Atyraý oblysynda kıikpen kelgen kene tórt túlikke qaýip tóndirgeni habarlanǵan.

Сейчас читают