ShQO-da 600 tonna shóp órtenip ketti
ÓSKEMEN. KAZINFORM – Shyǵys Qazaqstan oblysy Zaısan aýdanynda 600 tonna shóp otqa oranǵan. Qazirgi ýaqytta órttiń neden shyqqany belgisiz.
ShQO Tótenshe jaǵdaılar departamenti baspasóz qyzmetiniń málimetine súıensek, Zaısan aýdany Muqashy aýylynda jalpy salmaǵy 600 tonnadan asatyn 2000 býma shóp órtengen.
Qutqarýshylardyń jedel jáne úılesimdi is-qımylynyń arqasynda qyzyl jalynnyń basqa aýmaqqa taralýyna jol berilmedi. Kóp uzamaı tilsiz jaý oqshaýlandy.
«Órt kórshi qurylystar men sharýashylyq qora-jaıǵa taralǵan joq. Abyroı bolǵanda, eshkim zardap shekpedi. Qazirgi ýaqytta órttiń shyǵý sebebi anyqtalyp jatyr», - dep habarlady vedomstvo ókilderi.
Osy rette, TJD qyzmetkerleri óńir jurtshylyǵyna shópti saqtaý jáne jınaý kezinde órt qaýipsizdigi erejelerin qatań saqtaý qajettigin eskertti.
Eske salsaq, osyǵan deıin ShQO-da egin jınaý kezinde kombaın otqa oranǵany habarlanǵan.
