ShQO-da 600-den astam áskerı qyzmetker patrýlde júr

ÓSKEMEN. QazAqparat – Shyǵys Qazaqstan oblysynda áskerıler tótenshe jaǵdaı kezinde azamattardyń qaýipsizdigin qamtamasyz etýde, dep habarlaıdy QazAqparat.

Óskemen, Semeı jáne Úsharal garnızondarynyń áskerı polıtsııa jasaqtarynyń músheleri, «Shyǵys» óńirlik qolbasshylyǵynyń áskerıleri jáne Ulttyq ulan sarbazdary birlesip óńirdegi qoǵamdyq oryndardy patrýldep júr.

«Qazirde «Shyǵys» ÓQ-dan jalpy sany 650 áskerı qyzmetker jáne 55 áskerı polıtsııa ókilderi jumysqa tartylǵan. Birlesken patrýldeýge áskerılerdi irikteý barysynda moraldyq-psıhologııalyq jaǵdaıǵa, qyzmet etý kezindegi is-qımyl tártibin bilýine basa mán berildi» delingen «Shyǵys» óńirlik qolbasshylyǵy baspasóz qyzmetiniń málimetinde.

Esterińizge sala ketsek, Óskemen men Semeı qalalarynda 2 sáýirden bastap qosymsha shekteý engizilgen. Búginde turǵyndar úıden tek ruqsat qaǵazy arqyly shyǵa alady.

Qoǵamdyq tártipti saqtaý sharalary kúsheıtilip, Óskemen - 200, Semeı - 202 sharshy aýmaqqa bólingen.