ShQO-da 6 jasar bala sýǵa ketti

ÓSKEMEN. QazAqparat - Shyǵys Qazaqstannyń Kúrshim aýdanyna qarasty Aqsýat aýylynda 6 jasar bala sýǵa batyp ketti, dep habarlaıdy QazAqparat tilshisi.

Oblystyq Tótenshe jaǵdaılar departamentiniń baspasóz qyzmetinen málim etkendeı, oqıǵa 17 maýsym kúni bolǵan. Aqsýat aýylynyń bir top balasy Zaısan kóline shomylyp júrgen kezde bireýi sýǵa ketken.

«Qutqarýshylar turǵyndarǵa balalardy qaraýsyz jibermeý kerektigin eskertedi. Byltyrǵy shomylý maýsymynda 7 balanyń ajaly sýdan keldi. Qaıǵyly oqıǵalardyń deni balalardyń qaraýsyz qalyp, arnaıy jabdyqtalmaǵan oryndarda shomylýynan boldy», - deıdi departamenttiń baspasóz qyzmetshisi Anastasııa Sklıar.