ShQO-da 58 jastaǵy er adam shatyrdan syrǵyǵan qardyń astynda qalyp, kóz jumdy
ÓSKEMEN. QazAqparat - Shyǵys Qazaqstan oblysynda 58 jastaǵy er adamdy qar basyp qaldy, dep habarlaıdy QazAqparat Tótenshe jaǵdaılar komıtetine silteme jasap.
«Qys mezgilinde respýblıkanyń basym aýmaǵynda jaýǵan qalyń qar kóktemde qaýip týǵyzady. Mysaly kún jylyna bastaǵan kezde úı shatyryndaǵy qalyń qar syrǵyp, tómen túsedi. Bul óte qaýipti» deıdi TJK mamandary.
17 naýryzda Shyǵys Qazaqstan oblysy Altaı aýdany Chapaev aýylynda 1962 jyly týǵan úı ıesine bir qabatty turǵyn úıdiń shatyrynan qar túsip, ol alǵan jaraqatynan oqıǵa ornynda kóz jumdy.
Osyǵan baılanysty ІІM tótenshe jaǵdaılar komıteti azamattarǵa shatyrdaǵy, sondaı-aq aýladaǵy qardy ýaqytyly tazalaýdy usynady.
