ShQO-da 55 jastaǵy er kisi bala zorlady degen kúdikpen ustaldy
ÓSKEMEN. QazAqparat - Úrjar aýdandyq soty Maqanshy aýylynda 11 jasar qyzdy zorlamaqshy bolǵan kúdiktini ustaýǵa sanktsııa jarııalady, dep habarlaıdy «QazAqparat» HAA tilshisi.
Jergilikti polıtsııada málim bolǵanyndaı, osy oqıǵadan olardy aýdandyq saıabaqqa jetkizip salǵan qyraǵy taksı júrgizýshisi habardar etken. Polıtsııa lezde saıabaqqa jetip baryp, er kisini qylmys jasamaqshy bolǵan jerinen ustady. Tergeý barysynda, 55 jastaǵy er kisi QHR ShUAÓ-den bes jyl buryn kelgeni anyqtaldy. Bizdiń elde turýǵa ruqsat qaǵazy bar. Atalmysh is týraly resmı pikirdi oblystyń Іshki ister departamenti bildirdi.
«Úrjar aýdany Maqanshy aýylynda kámeletke tolmaǵan qyzdy zorlaý áreketi boıynsha sotqa deıingi tergeý jumystary júrgizilýde. Tolyq aıaqtalǵan soń sotqa jiberiledi, - deıdi ІІD baspsóz qyzmetiniń basshysy Baqytjan Torǵaev. - Tergeý jumystary departament basshylyǵynyń qatań baqylaýynda».
Búldirshinniń ata-anasyn jaqyn tanıtyn er kisiniń is-áreketi jergilikti turǵyndardy eseńgiretti. «Pýls vremenı» aýdandyq gazetiniń bas redaktory Zoıa Býlanova aıtqandaı, aýdanda «maqanshylyqtar» aýyzbirshiligi men dostasyǵy jarasqan aýyl retinde tanymal jáne mundaı jaǵdaı buryn bolmaǵan.
