ShQO-da 500 shaqyrym ıesiz elektr jelisi senimgerlik basqarýǵa beriledi
ÓSKEMEN. QazAqparat – Prezıdent Qasym-Jomart Toqaevtyń tapsyrmasyna sáıkes, Shyǵys Qazaqstan oblysynyń ákimdigi bes júz shaqyrymdyq ıesiz elektr jelisiniń qujattamasyn qalpyna keltirip, energetıkalyq kompanııanyń senimgerlik basqarýyna beredi, dep habarlaıdy QazAqparat tilshisi.
Bul jaıly aımaq basshysy Danıal Ahmetov energııa qaýipsizdigi máselelerine arnalǵan otyrysta aıtty.
«Aımaqtyń energetıkalyq qaýipsizdik máselelerin sheshýdiń keshendi josparyna sáıkes, jergilikti atqarýshy organdar jańa elektr jelilerin tartyp, eskisin qaıta jańǵyrtý jumystaryn kezeń-kezeńimen júrgizip jatyr. Eń aldymen eldi mekenderdegi halyqtyń turmysyna tikeleı qatysty jeliler túgendelip, tekseriledi», - dedi ol.
Sonymen qatar oblysta uzyndyǵy 500 shaqyrymnan asatyn ıesiz jelilerdiń máselesi sheshilip jatyr.
Prezıdent Qasym-Jomart Toqaevtyń tapsyrmasyna sáıkes, ShQO ákimdigi ıesiz jelilerdiń 494 shaqyrymyn oblystyq energetıkalyq kompanııanyń senimgerlik basqarýyna berý úshin zańnamalyq bazany daıyndap qoıdy.
Danıal Ahmetovtyń aıtýynsha, qalǵan ıesiz jelilerge arnalǵan qujattama olardy qalpyna keltirý qunyn esepteý jumysymen qatar daıyndalady.
