ShQO-da 500 oralman Qazaqstan azamattyǵyn aldy

NUR-SULTAN. QazAqparat – 2019 jyldyń naýryz aıynan beri ShQO-da 500 oralman Qazaqstan Respýblıkasynyń azamattyǵyn aldy, dep habarlaıdy QazAqparat oblystyq polıtsııa departamentine silteme jasap.

«Oralman mártebesin alǵan etnıkalyq qazaqtarǵa bir jyldyń ishinde ońtaılandyrylǵan tártippen QR azamattyǵyn alý múmkindigi beriledi. Biraq, osy ýaqyt aralyǵynda olar kóbinde azamattyq almaıdy. 2019 jyldyń 31 jeltoqsanyna deıin etnıkalyq qazaqtardyń ońtaılandyrylǵan tártippen azamattyq alýy úshin «oralman» mártebesiniń merzimin uzartý boıynsha bir rettik naýqan júredi» delingen departamenttiń resmı habarlamasynda.

Naýqan bastalǵaly beri 503 adamǵa Qazastan Respýblıkasynyń azamattyǵy berilgen.

«Qazaqstan aýmaǵyn turaqty mekendeıtin, QR azamattyǵyn alǵysy keletin etnıkalyq qazaqtarǵa ShQO Úılestirý jáne áleýmettik baǵdarlamalar basqarmasynda «oralman» mártebesiniń merzimin uzartyp, azamattyq alýǵa ótinim berýin suraımyz», - deıdi departament.