ShQO-da 50-ge jýyq adam gonkong tumaýyn juqtyrdy
ÓSKEMEN. KAZINFORM – Shyǵys Qazaqstan oblysynda túrli vırýstyq ınfektsııalardy juqtyrǵandar sany artyp keledi.
Búginde óńir boıynsha JRVI-ge shaldyqqan 65 myńnan astam adam tirkelgen. Onyń ishindegi 40 myńnan astamy – 14 jasqa deıingi balalar. Bul kórsetkish ótken jylmen salystyrǵanda 15%-ǵa artyp otyr.
- Oblysta gonkong tumaýy da belsendi tarap jatyr. Eger ótken aptada 25 jaǵdaı anyqtalǵan bolsa, qazir zerthanalyq jolmen rastalǵan naýqastar sany 49-ǵa jetti. Onyń 35-i Óskemende turady, naýqastardyń arasynda 28 bala bar. Budan bólek, aımaqta rınovırýs, bokovırýs jáne adenovırýs juqtyryp jatqandar bar. Sondaı-aq eki adam koronavırýs ınfektsııasyna shaldyqqan, - deıdi ShQO sanıtarlyq-epıdemıologııalyq baqylaý departamenti basshysynyń orynbasary Sáýle Slıamǵazına.
Onyń aıtýynsha, «gonkong tumaýy» erekshe belgilerimen erekshelenbeıdi jáne basqa maýsymdyq shtamdar sııaqty ótedi. Ol jańa vırýs emes, buryn da halyq arasynda taraǵan.
Osy rette, turǵyndarǵa adam kóp jınalatyn oryndarǵa múmkindiginshe barmaýǵa, ata-analarǵa balalaryn oıyn alańdaryna aparýdy shekteý usynyldy. Sondaı-aq qaýipsizdik sharalaryn saqtap, maska taǵyp júrýge keńes berildi.
Eske salsaq, osyǵan deıin ShQO-da qashyqtan oqyp jatqan oqýshylar sany 30 myńǵa jýyqtaǵany habarlanǵan.