ShQO-da 50-den astam sottalǵan adam raqymshylyqqa iligýi múmkin
ÓSKEMEN. KAZINFORM — Shyǵys Qazaqstan oblysynda 50-den astam sottalǵan adam raqymshylyq boıynsha túrmeden bosap shyǵýy múmkin.
ShQO boıynsha Qylmystyq-atqarý júıesi departamentiniń málimetinshe, óńirde raqymshylyq týraly zańdy iske asyrý jumystary jalǵasyp jatyr.
— Búginde probatsııa qyzmetiniń mamandary raqymshylyq týraly zań talaptaryna sáıkes keletin sottalǵandarǵa qatysty 300-ge jýyq materıaldy sotqa joldady. Olardyń basym bóligi jaza merzimin qysqartýǵa qatysty. Sonymen qatar 50-den astam sottalǵan adam jazasyn odan ári óteýden tolyq bosatylýy múmkin. Ár is jeke qaralyp, túpkilikti sheshimdi sot qabyldaıdy, — deıdi departamenttiń resmı ókili Saltanat Ojıkanova.
Máselen, raqymshylyq aıasynda 22 jastaǵy azamat jazasynyń qalǵan bóligin óteýden bosatylǵan.
— Jigit qalyńdyǵynyń ótinishimen onyń anasyna tıesili altyn alqany lombardqa ótkizgen. Bul týraly bilgen áıel polıtsııaǵa aryzdanǵan. Osylaısha jigit bir jylǵa bas bostandyǵyn shekteý jazasyna kesilgen, — delingen aqparatta.
Probatsııa qyzmetkerleri sottalǵannyń jeke is materıaldaryn zerdelep, qajetti qujattardy daıyndap, raqymshylyq qoldaný týraly isti qaraý úshin sotqa joldaǵan. Sot usynysty qanaǵattandyrdy.
Eske salsaq, osyǵan deıin Shyǵys Qazaqstan oblysynda ákimshilik raqymshylyq qorytyndysy jarııalanǵanyn jazǵanbyz.
