ShQO-da 5 myńnan astam adam JRVI juqtyrdy

Óńirde bıylǵy epıdemııalyq maýsym bastalǵaly beri jiti respıratorlyq vırýstyq ınfektsııanyń 5 419 jaǵdaıy tirkeldi. Bul ótken jyldyń sáıkes kezeńimen salystyrǵanda 35,6% az. Degenmen syrqattanǵandardyń jartysynan astamy balalar bolǵandyqtan, mamandar ata-analardy saqtyq sharalaryn umytpaýǵa shaqyrdy.

- Tirkelgen JRVI jaǵdaılarynyń 3 010-y 14 jasqa deıingi balalar arasynda anyqtalǵan. Onyń ishinde bir jasqa tolmaǵan 89 sábı bar. Sondaı-aq júkti áıelder arasynda 28 jaǵdaı tirkeldi. Qazirgi ýaqytta oblysta tumaý men COVID-19 ınfektsııasynyń zerthanalyq jolmen rastalǵan jaǵdaılary anyqtalǵan joq, - deıdi ShQO Sanıtarlyq-epıdemıologııalyq baqylaý departamenti basshysynyń orynbasary Sáýle Slıamǵazına.

Alaıda aldaǵy aılarda tumaý vırýstarynyń birneshe túri taralýy múmkin. Qazaqstanda A(H3N2), A(H1N1)pdm09 jáne B (Victoria) vırýstary taraıdy dep boljanyp otyr. Ótken epıdemııalyq maýsymda A(H3N2) vırýsy basym boldy. Bıyl vırýstardyń taralý qurylymy ózgerýi múmkin, sonyń ishinde A(H1N1)pdm09 vırýsynyń belsendiligi artýy yqtımal.

- Tumaýdyń aldyn alýdyń tıimdi joldarynyń biri - vaktsına. Sonymen qatar turǵyndarǵa qoldy jıi jýý, bólmelerdi jeldetý jáne aýrý belgileri bar adamdarmen jaqyn baılanystan aýlaq bolýdy usynamyz, - delingen aqparatta.

Eske salsaq, osyǵan deıin Almaty oblysynda JRVI juqtyrǵandar sany artqany habarlanǵan.