ShQO-da 5 memlekettik páter zańsyz jekeshelendirilgen – prokýratýra
ÓSKEMEN. KAZINFORM – Shyǵys Qazaqstan oblysynyń prokýratýrasy Altaı aýdanynda 5 memlekettik páterdiń zańsyz jekeshelendirilgenin anyqtady.
ShQO prokýratýrasy baspasóz qyzmetiniń málimetine súıensek, Altaı aýdanynyń turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspektsııasy bólimindegi turǵyn úı zańnamasynyń saqtalýyna tekserý júrgizildi.
Sonyń nátıjesinde, atynda óz úıi bar jáne memlekettik turǵyn úı alý úshin zańda kózdelgen merzimderi kelmegen tulǵalardyń memlekettik turǵyn úı qorynan páterlerdi zańsyz jekeshelendirý faktileri anyqtaldy.
«5 adam 19 mln teńgeden asatyn páterlerdi zańsyz jekeshelendirgen. Prokýrorlyq qadaǵalaý aktisi boıynsha barlyq turǵyn úı memleket menshigine qaıtaryldy. TKSh bóliminiń basshysy tártiptik jaýapkershilikke tartyldy. Memleket menshigine qaıtarylǵan páterler zańda belgilengen tártippen muqtaj jandarǵa beriletin bolady» delingen aqparatta.
