ShQO-da 476 turǵyn úıdi sý basý qaýpi seıildi
Aımaq basshysy Danıal Ahmetov sý tasqynyna qarsy sharalar jol kartasynyń iske asyrylýy boıynsha jınalys ótkizdi.
«Búginde óńir boıynsha 108 eldi mekendi sý basý qaýpi bar. Kúzde sý tasqyny kezeńine daıyndyq jumystarynyń bir bóligin júrgizdik. Qazirgi ýaqytta Ertis, Úbe, Buqtyrma jáne Kúrshim ózenderinde 15 jarylys jasaldy. Sınoptıkterdiń boljamynsha, oblysta áli de qar jaýady. Sondyqtan jaǵalaýdy nyǵaıtý, aryqtardy, arnalardy, sý ótkizý qurylystaryn tazartý jumystary belsendi júrgizilýi shart», - dedi ShQO ákimi.
Onyń aıtýynsha, Tarbaǵataı, Katonqaraǵaı jáne Besqaraǵaı aýdandaryndaǵy keıbir eldi mekenderdi sý basý qaýpi týyndap otyr. Sondyqtan ákimder qysqa merzimde atqarylýy tıis is-sharalardyń tolyq tizbegin usynýy tıis.
«Qazirdiń ózinde atqarylǵan jumystar nátıjesinde, 476 turǵyn úı men áleýmettik nysandardy sý basýdyń aldyn alýǵa múmkindik berildi. Barlyq qyzmetter jumyldyrylyp, jeke quram men tehnıka ázir tur», - dedi Danıal Ahmetov.