ShQO-da 470 myń adam medıtsınalyq maskamen tegin qamtamasyz etilmek
SEMEI. QazAqparat – Shyǵys Qazaqstan oblysynyń ákimi Danıal Ahmetovtyń tapsyrmasymen 25 naýryzdan bastap medıtsınalyq maska tigý qolǵa alyndy, dep habarlaıdy QazAqparat.
Semeı qalasyndaǵy «ÝK ıÝnıs» jáne «SemSpetsSnab» JShS mekemeleri maska tigý jumystaryna bilek sybana kirisip ketken. Osyǵan deıin óńirde dákeden medıtsınalyq maska jasaý jolǵa qoıylǵan bolatyn.
«Búgin biz 30 myń metr mata aldyq. Erteń taǵy da qosymsha mata jetkizilmek. Bul 1 mln dana maska tigý úshin qajetti. Buǵan deıin dákeden tórt qabatty maska jasaǵanbyz, al endi eki qabatty maska bózden (maqtadan jasalatyn mata) tigilmek. Negizinen osy materıaldan tigý áldeqaıda ońaı», - deıdi «SemSpetsSnab» JShS dırektory Aınur Ahmetova.
Jýyqta medıtsınalyq maska satylymǵa shyǵarylady. Shyǵys Qazaqstannyń 470 myń turǵyny maskamen tegin qamtamasyz etiledi. Onyń ishinde soǵys ardagerleri men tyl eńbekkerleri, barlyq toptaǵy múgedekter, kópbalaly otbasylar, jetim balalar men zeınetkerler bar.
