ShQO-da 450 gektar jer jáne 40 tonna shóp janyp ketti
ÓSKEMEN. QazAqparat – Shyǵys Qazaqstan oblysynyń Kókpekti aýdanynda 450 gektar jer jáne 40 tonna shóp janyp ketti, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«14 qazan kúni saǵat 12:05-te órt sóndirý qyzmetine Bıǵash aýylynan 20 shaqyrym jerdegi Egindibulaq ýchaskesinde maıalanǵan pishen men jaıylymdaǵy qýraǵan shóptiń órtengeni týraly habar kelip tústi», - delingen habarlamada.
Órt sóndirýshiler men eriktilerdiń shuǵyl áreketiniń arqasynda órt 22:05-te aýyzdyqtaldy.
Qolda bar derekter boıynsha 450 gektardyń qýraǵan shóbi pen 40 tonna maıalanǵan pishen janyp ketken.
Órtti sóndirýge oblystyq TJD 7 qyzmetkeri, 2 tehnıkasy jáne erikti órt sóndirý qurylymdarynyń 20 jumysshysy men bir tehnıkasy jumyldyrylǵan.
