19:36, 02 Naýryz 2022 | GMT +6
ShQO-da 430 myńǵa jýyq adam revaktsınatsııadan ótti
ÓSKEMEN. QazAqparat – Shyǵys Qazaqstan oblysynda 430 myńǵa jýyq adam revaktsınatsııadan ótti, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda.
«Aımaq boıynsha atalǵan ekpeniń birinshi komponentin 107 myńǵa jýyq adam saldyrdy. Onyń ishinde 12-18 jas aralyǵyndaǵy 94 myńǵa jýyq bala bar. Olardy vaktsınalaý tek ata-anasynyń ruqsatymen júrgizilýde», - delingen aqparatta.
Budan bólek, oblysta 60 jastan asqan qarttar men medıtsına qyzmetkerleri Pfizer ekpesimen revaktsınatsııadan ótýde.
«Qazir osy sanattaǵy 17 821 adam úshinshi ret vaktsına alyp otyr. Jalpy Shyǵys Qazaqstan oblysynda 429 640 adam revaktsınatsııadan ótti», - delingen habarlamada.
